آدالاتلي لئغئنگ دابارالانماغي دليلله ندير مأگه مأتأچ دير.دليل لر بولسا يا- حا چشمه لردن يا- دا پيكير اؤوروم لرينگ نتيجه سيندان گليپ چئقيار.
چشمه لر باردا ايدي لاندا، اوندا بوتين دونيأ علمئنا اومماسئز قوشاندي نئنگ باردئغئنا قارامازدان، فارابي نئنگ اومور بياني باراداقي چشمه لر آز ساقلانئيپدير. اولاردان آقئلدارئنگ دؤورونه، بيله كي يازارلارا گؤرأ يأقئن واقتدا ياشاب گچن يازارلارئنگ، اول بارادا ماغلومات بريأن كيتاب لاري دؤرت ساني دير:


1- ابن خلليقه نينگ (1282 نجي ئيلدا اؤله ن) «مشهور شاخص لارينگ اؤله ن سنه لري »«وفيات ال اغيان»
2- ابن ابو اوسايبيقه نينگ«1270 نجي ئيلدا اؤله ن » " طبيب لرينگ قاتلاقلاري باراداقي خاباربلرئنگ"،«عيون الانبا في طبقات ال اطبّا»،
3- ابوالحسن بيهقي نينگ (1170 نجي ئيلدا اؤ لن) "حيككته سونگلاما"،«تتمه سوان الحكمه»
4- ابن كيفتي نينگ (1248 نجي ئيلدا اؤلن)"آليم لارئنگ حابارلاري بارادا كيتاب"،«كتاب اخبار ال علما»
بو يازارلارئيگ هممه سي فارابي نئنگ 256 هـ.ق/870 م. ئيلدا دوغلوپ 339 هـ.ق /950 م يئلدا دونيأدن اؤته ن ديگيني و اونونگ بير توركي قوومدان بولان دئغئني ماغلومات بريأرلر.
ابوالحسن بيهقي فارابي نئنگ داش سئپاتي نئنگ توركي قووملارا كئتاپداش دئغيني، ابنخليقان بولسا اونونگ توركي قوومونگ ميللي اشيگيني گه ييپ گه زه ن ديگيني به لله يأر. يؤنه، فارابي نئنگ دوغلان يري باراداقي، ماغلومات لار بيري – بيريندن تاپاوتلي دئر.
ابن خلليقان و ابن ابو اوسايبيقه، اونونگ جيحونئنگ بويوندا يرله شه ن فيرابر (Firabr ) شهرينده حوراساندا دوغلاندئغئني، به يله كي ايكي يازار بولسا اونونگ سيحونئنگ بويونداقي فاراب (Farab ) شهرينده ماورالنهر ده دوغلاندئغيني بليارلر..
هر ياقداي- دا، بو ايكي شهر فارابي نئنگ دؤورنده اوغوز توركمن لري نينگ ياشان شهرلري دير.
پيكير اؤورورمه لرينگ نتيجه سي بارادا آيدي لاندا بولسا، اوندا بو به ييك آقئلدارئنگ دولي ، آدي نئنگ " ابونصر موخاممد ابن موخاممد ابن تارخان ابن اوزلوق توركي فارابي" بولاندائغي بيلن باغلانشئقلي دير.
ابونصر اونونگ كوينه سي دير و نصرينگ قاقاسي دييمه ك ليگي آنگلاديار. كونيه اونگا ماني تايدان داقئلان بولماغي و «ائلما ياردام برمه گينگ آتاسي» ماني دا اولانئلان بولماغي هم مومكين. يبأبي فارابي نئنگ اؤيله نه ن ديگي و نصر آدي اوغلونئنگ بولانديغي بارادا چشمه لر حابار برمه يأر. موخاممد اونونگ اؤز آدي دير. ايكينجي موخاممد اونونگ قاقاسي نئنگ آدي دير. تارخان آتاسي نئنگ آدي دير.«تارخان» سؤزي اومومان باش، باشلئلق ماني دا بولوپ بو يرده قوشون سركرده سي ديه ن ماني دا اولانئليار. گور اوغلي اؤز پيري نينگ حضرت علي (ع) دئغيني ايتجاق بولاندا ، ... اون ايكي امامئنگ تارخاني بولان يا حضرت علي دير...، ديييپ آيدئشي يالي. اگر اوغول بيلن قاقانئنگ و قاقا بيلن آتانئنگ هم آراسيندا 25 يئل بار ديييپ گؤز اؤنگونده توتساق اوندا، تارخانئنگ 800 نجي يئل لارئنگ تؤره ره گينده دوغلاندئغي به للي بوليار. دييمه ك اونونگ ياشان دؤوري و ياشان يري «قاراخان لي » توركمن لرينگ حؤكودارلئق اده ن واقيتئنا قابات گليأر. شيله ليك بيلن اونونگ «قاراخان لي » توركمن لرينگ قوشون سركرده لري نينگ بيري بولاندئغيني نئغتاسا بولار.تارخان آدي بارادا ايدي لاندا، اوندا اول قوشون سركرده سي ماني سئندا اوغوز توركمن لري تاراپئندان اولانئپدير. مونگ مئسالي حؤكومونده اؤزلرينه قاراشلي يرلرده آراپ آقالئغي نئنگ اورناشماغئنا قارشي گؤره شه ن توركمن سركرده لري. بادقيسينگ حاني نايزاق تارخاني (790 نجي م . يئلدا اؤله ن) و گؤرگه ن بيلن دهيستانئنگ حاني سول تارخاني (716 نجي م . يئلدا اؤله ن) مئسال گتيرمك كومكين . اوزولوق توركي فارابي نئنگ قارري آتاسي دير. «اوزلوق (uzulug ) » سؤزي « اوغوزليق» سؤزوندن گليپ چئقيار و « اوغوز تركمن لرينه ده گيشلي آدام» دييمه ليگي آنگلاديار. باشغا تارپدان اوز uz سؤزي شو گون كي گپلاشيك ديليميزده آزراق، ادبياتئميزدا كؤپرأك اولانئليب اوزاق دييه ن ماني ني بريأنديگيني يادلادرياريس.
شيله ليكده چشمه لرده ن و پيكير اؤوروم لرينگ نتيجه سينده ن ، فارابي نئنگ اؤزونينگ وكيلي حؤكومونده به يله كي توركي قووم لارا قارانئنگدا توركمن حالقي نئنگ حاس حاقلي ديغي باراداقي چؤزگوت گليپ چئقيار.«توركي» سؤزي بولسا توركمن سؤزي بيلن كؤك ده ش بير سؤز دور. دييمه ك ، « توركي » نسبه سي توركمن ميللتينه ده گيشلي ليگي آنگلاديار. مه سه لم، ابوعبدالرحمان عبدالله بن موبأرك مروزي حانزالي توركي (187 هـ . ق/788 . م يئلدا اؤلن). ابوعبدالله منصور ابن ابو موزاحيم بشير توركي، بشار خادم توركي، ابوموسي عيسي بن كوه بغدادي توركي ( 302 هـ.ق/ 913 . م يئلدا موسور ده اؤله ن)، ابواعباس احمد بن عبيدالله بن احمد موخاممد بن سه له مه تورك بغدادي توركي ، سامان لي دؤوله تي نينگ اميري عبدالحسين نصر بن احمد ساماني نينگ آزاد اده ن قولي ابوصاليخ منصور بن آيتمئش توركي (370 هـ . ق/ 979 م يئلدا اؤله ن). بو آلئم لارئنگ هممه سي توركمن ميلله تينه ده گيشلي دير. بو يردأكي آغزاليان «توركي » نسبه سي بولسا توركمنينگ نسيل داراغتئنا ده گيشلي دير. شونونگ اوچين بيز عبدالهه توركمن، بشير توركمن، كوه توركمن، سه له مه توركمن، آيتمئش توركمن، اوزلوق توركمن دييپ آيتماغا حاقلي ديريس.