چاغاقاق » آغلاماق اوتانچ! دییدیلر.
جاهیلقاق!«آلداماق اوتانچ» دییدیلر.
شیدیپ اِندیک اِتدیک آغلامازلیغا
شیدیپ اِندیک اِتدیک آلدامازلیغا.
دییدیلر: !«کؤپلوکده گأگیرمک عاییپ».
دییدیلر: !«کوچه ده سیغیرماق عاییپ».
دییدیلر: !«میلیسده کچمأکأنگ تؤره،
حاقینگ بارمی؟ تورونگ اوزوندن سورا!»

ینه-ده دییدیلر: «اوُلالیپ یاشینگ،
قاراجا قیل بیلن باسیرلار دؤشونگ».
«دؤشونگه بیتِن سونگ شول قیل-دییدیلر،
گونأنگی گچرِلر، اوغول!»دییدیلر.

دییدیلر: «دونیاده نأمه دیر قیت زات؟»
اوچ گزه ک دییدیلر«اوُسسات! اوُسسات! اوُسسات!»
«نأچه قیت بولسا-دا اوُسسات-دییدیلر،
چین شأگیرت
اوندانام قیت زات!»دییدیلر
«اووره نیپ ایلکینجی حارپی-دییدیلر،
قالپ شاگیرتدن بولونگ هوشگأر!»
دییدیلر،
«امِره-ده
اِمجگنگی دیشلأر!» دییدیلر.

ینه-ده دییدیلر: «اولامی-کیچأ،
اؤلجگنگی بیلسنگ-ده، یالبارما کیشأ!»
«دینگه بیر آداما یالبار!»دییدیلر!
«عاییپ دأل نازینی چِکمک-دییدیلر
نأزدن یوزون ساوان-آقماق!»دییدیلر.

«ینه ایکی مرده یالبارماق بولار-
دییدیلر-اِنه هم آتادیر اوُلار»
«آتانگه یالبارسنگ-قالقینار روحی»
«اِنأنگه یالبارسنگ-کمه لر آهی».
«کیم اتسه شولارا تعظیم- دییدیلر»
« ایشی رواج،یاشی اوزین!»دییدیلر.

...ینه کأن اِدبلِنگ توتدولار آدین.
دییدیلر: «قابانما اوزگأنگ شهراتین!»
«قابانما اوز ذهینینگ ازللیگینی!»
«قابانما اوز جورانگ گوزللیگینی!»
«قابانما اوز گِلنینگ آلاچاقلیغینی»
نه نأزلرین، نه-ده سؤزلرین قابان،
دینگه اویناقلاتسا...
گوزلرین قابان!

دییدیلر: «ارکک دن بلند دیر آیال»
«او نأمه اوچین» دییپ بردیلر سوال.
جوغابین بردیلر: «قوتاریپ عمرینگ،
یاغتی دنیا بیلن خوشلاشسنگ بیر گون-
آیال
أر اوجاغین ساقلار-دییدیلر
سویگینگی مونگ کرم حاقلار!»دییدیلر.
«چاغلارین اییدیر،گیدیر-دییدیلر،
شیدیپ یاش عمرینی کؤیدیر!»دییدیلر.

«اِمّا بیدیپ بیلمز ارکک-دییدیلر
بو بابتدا پسدیر اِنتِک!»
«آلتمیشدان، یتمیشدن گچسه-ده سالی
گؤزلرین یومدومی عزیز آیالی-
یاتدان چیقیپ وفا،اقرار-دییدیلر،
ایکینجینگ گوزلنگه ایلغار!»دییدیلر.

...دییدیلر،دییدیلر،دییدیلر کأن زات.
کأ بیرسی آنگسات،کوپوسی قین زات.
آنگسادین-همّه لر باشار-دییدیلر
قینین باشارماقدا ایش بار-دییدیلر.
قین هم بولسا،
شودور وصیّت-دییدیلر
دینگه قین زات-
شول مقدس!-دییدیلر