«تانگري‎نئنگ آدي بيلن»

سرحوش اولوپ چئقار جيگر داغلانماز
داشلاري سئندارار غولي باغلانماز
گؤزوٌم غايرا دوٌشميز كؤنگوٌل اگلنمز
سؤزلأر ماغتئم غولي ديلي توٌركمنينگ
كوٌممه‎دينگ ميراث آدلي توٌركمن غوشغي و ادبييات توپاري (انجيمني)نئنگ دؤرؤيشي و برنامالاري حاقئندا بير نأچه ماغلومات‎لار:


كوٌممه‎دينگ ميراث آدلي توٌركمن غوشغي و ادبييات انجيمني 1377نجي شمسي يئلئندا بير نأچه شاهئرلاردئر يازئجي‎لار آلاداسي بيلن انه ديليميزي، دأپ دسسورلاري‎مئزي غوراماق اوٌچين و كوٌممه‎دينگ اسلامي أرشاد و مدنييت اداراسئنئنگ اوروخصادي بيلن غورولدي. بو توپار بوگوٌن 118 ساني آغضاسي بار. 4 ساني شاهئري دوٌنيأدن اؤتدي. بو يئل 1388 نجي شمسي يئلئندا بو توپاري‎نئنگ دؤرؤيشينه 11 يئل گچدي. ميراث توپاري 1384 نجي يئلئندا ثبت اداراسئندا رسميه‎ته تانالدي. ميراث توپاري‎نئنگ آغضالاري 11 يئل بأري هر هپده‎ده آننا گوٌني اؤيله‎دن سونگرا دئنچ آلماني ائز گيدرلي، شاهئرلاري ـ يازئجي‎لاري اوتورشئق غوريارلار. همده هر ايكي آيدان توٌركمن ادبيياتي‎نئنگ، چپر اوسسادلاري‎ني ميخمان چاغئرئپ اولارئنگ سؤزلريندن پيدالانيار. انچمه تويلاردا‏دا غوشغي گيجه‎سينه غاتناشئق اديأر.
ميراث توپاري كوٌممه‎دينگ ائسلامي ائرشاد و مدنييت اداراسئنا باغلانشئق‎لي دئر و ادارانئنگ يولباشچي‎سي حورماتلي جئناپ محمد رضا داورزني توٌركمن ادبيياتئنادا ائقجام‎لي بير ائنسان‎دئر
ائرشاد اداراسي گر‎ك يرينده ميراث توپاري‎نا ياردام بريپ غولداياندئر.
ميراث توپاري‎نئنگ ايچري سايلاوي شوواغتا چنلي 5 غايتارسچيلدي و هر گز‎ك بأش ساني ‎آغضا بو توپاري‎نئنگ موٌديرلري حؤكموٌنده سايلانئپ اوز آراسئندان يولباشچي يادا باش‏موٌديريني سايلايارلار. سايلاولار هر ايكي يئلدان غايتالانيار.
حورماتلي يازئجي امان قليچ شادمهر ميراث توپاري‎نئنگ بيرينجي يولباشچي‎سي بير غايتار سايلاندي.
حورماتلي شاهئر محمد آتاباي ميراث توپاري‎نئنگ ايكينجي يولباشچي‎سي بير غايتار سايلاندي.
حورماتلي شاهئر منصور طبري ميراث توپاري‎نئنگ اوٌچوٌنجي يولباشچي‎سي اوٌچ غايتار سايلاندي.
شو واغئتقي ميراث توپاري‎نئنگ موٌديرلري‎نئنگ آغضالاري شيله‎دير:
1- منصور طبري يولباشچي‎سي يادا باش موٌديري  شاهئر  رئيس انجمن
2- حكيم قزلجه اورون باسار  شاهئر  نائب رئيس انجمن
3- توي محمد ايازي ايچري ايشچي‎سي  شاهئر  دبير انجمن
4- سليمه داز ـــ  شاهئر  ـــ
5- فرهاد قاضي ـــ  يازئجي  ـــ

ميراث توپاري‎نئنگ 11 يئللئق گچيرن برنامالاري:
1377 نجي هجري شمسي يئلئندان بأري، يئلدا اورديبهشت آيي‎نئنگ سونگقي هپده‎سينده توٌركمنينگ بييك شاهئري ماغتئم‎غولي پئراغي‎نئنگ دوغولان گوٌنوٌنينگ داباراسئنا غاتناشئق اديأر. (ياردام بريأر).
1378 نجي ده ايران واتاني‎مئزدا شئغالار و سوٌنني‎لر آراسئندا دوغانلئق دوواملي بولسون ديييپ بيرلشيك هپده‎سينينگ داباراسي‎ني گچيرديك.
1380 نجي‎ده گوٌلوٌستان ولاياتي‎نئنگ وكيل‎لري‎نينگ اوچان‎لاري آسماندا گؤچوٌپ واولارئنگ دوٌنيأدن اؤتمه‎گينه غئنانئپ يادلاما مراسئمئني گچيرديك.
1382 نجي‎ده بَم شهري‎نينگ يري سارسماغي اوٌچين كؤپ ائنسانلار وپات بولدي. شونونگ اوٌچين ميراث توپاري‎نئنگ تاراپئندان غئنانچ يادلاما مراسئمي گچيريلدي.
1383 نجي‎ده مرحوم اوسساد شاهئر قوربان‎گلدي آهون‎برينگ بار واغتئندا 40 ئيل‎ليق توٌركمن ادبيياتئنا زأحمت چكيپ خئذمات ادني اوٌچين اولي داباراني گچيرديك.
ينه 1383 نجي‎ده كلاسئك شاهئري آرتئق‎محمد سيدي (سيدي حوجا)نئنگ اولي داباراسئني گچيرديك.
1384‎نجي‎ده ميراث آدلي نشريه‎سي چاپدان چئقدي و ائزگيدرلي 5 ساني‎دان سونگرا چاپدان غالدي.
ينه 1384 نجي‎ده مرحوم اوسساد شاهئر قوربان‎گلدي آهون‎برينگ دوٌنيادن اؤتمه‎گينه غئنانئپ اول اوسسادنئنگ غئرقي گوٌنوٌنده يادلاما مراسئمي گچيرديك.
ينه 1384 نجي‎ده توٌرك ادبياتي‎نئنگ پارلاق يئلدئزي ميرالي شيرناوايي‎نئنگ 565 نجي دوغولان يئلي‎نئنگ داباراسي گچيريلدي.
1384 نجي‎ده حورماتلي حاج مراددردي قاضي‎نئنگ 60 يئللئق توٌركمن ادبياتئنا خئذمات ادني و اوني اولي صوراتدا سئلاماق اوٌچين ميراث انجيمني همده آغامئز موسي جرجاني بيلن بيله‎ليكده آرقاداشلئق اديپ ايكي ساني اولي داباراني گچيرديك.
1385 نجي‎ده توٌركمن غوشغي و ادبييات‎نئنگ ياش اولي‎لاري: اوسسادلار عرازمحمد ارازنيازي حاجي عبدالله آهنگري ـ حاجي عراز محمد صحنه‎نينگ 40 يئل‎لئق توٌركمن ادبيياتئنا خئذمات ادن‎لري اوٌچين اولي دابارا گچيريلدي. حاجي عراز محمد صحنه نأچه آي بو دابارادان سونگرا دوٌنيأدن أوتدي.
ينه 1385 نجي‎ده ميراث آدلي نشريه‎دن سونگرا سايراق آدلي ميراث توپاري‎نئنگ ايچري نشريه‎سي‎نينگ بيرينجي ساني‎ني چاپدان چئقاردئق.
ينه 1385 نجي‎ده توٌركمن كلاسئك شاهئري عئشق موٌلكي نينگ شاسي ملانپس ينگ 197‎نجي دوغولان يئلي‎نئنگ داباراسي‎ني اولي صوراتدا گچيرديك.
ينه 1385نجي‎ده ميراث توپاري‎نئنگ اينترنت سايتي ايشيني باشلادي.
www.Turkmenmiras.IR
E.Mail = Turkmens News@yahoo.com
ينه 1385 نجي‎ده توٌركمن صحرانئنگ توٌركمن ادبيياتچي‎لاري، توٌركمنيستاندا ايرانئنگ حورماتلي ايلچي‎سي جئناپ محمد رضا فرقاني بيلن ميراث توپاري‏نئنگ جايئندا اوتورئشدئلار.
1386 نجي‎دا بيرينجي توٌرك و توٌركمن ديل سميناري كوٌممه‎‎ت‎ده ائرشاد اداراسئنئنگ همده حورماتلي عبدالرحمن ديه‏جي نينگ آرقا داشلئغي بيلن توٌركيه‎دن ميخمان گلن پروفسور آق آلئن نئنگ حوضوري بيلن اولي داباراني گچيرديك.
1387-1386 نجي‎ده ميراث توپاري بيرينجي و ايكنجي ماغتئم‎غولي نئنگ ميللت‏لر آرا كنگره‎سي‎نه ائرشاد اداراسئنا اولي ياردام بريپ غاتناشئق اتدي.
1386 نجي‎ده توٌركمنينگ كلاسئك يوماقلي و شورتا شاهئري مأمت ولي كمينه‎نينگ 240 نجي دوغولان يئلي‎نئنگ داباراسي‎ني اولي صوراتدا گچيرديك.
1387 نجي‎ده ميراث توپاري اينچه برون شهري‎نينگ شهرداري‎سئنا ياردام بريپ ماغتئم غولي‎نينگ داباراسي‎ني گچيردي.
1388 نجي‏ده ارديبهشت آيي‏نينگ 24 ينده اوٌچوٌنجي ماغتئم‏غولي نئنگ ميللت‏لر آرا كنگره‏سي‏نه ائرشاد اداراسئنا ياردام بردي.
ينه 1388 نجي‏ده مورداد آيي‏نئنگ 13 ينده (چهارشنبه گوٌني) ميراث انجيمني‏نينگ شاهئرلاري و يازئجي‏لاري توٌركمنيستاندا، ايران ايلچي‏حاناسئنئنگ حورماتلي ايلچي‏سي جئناپ محمدرضا فرقاني بيلن اوتورئشدئلار.